जलपाईगुडी : बङ्गालको सबैभन्दा लोकप्रिय माछा हिल्साको मूल्य आकाशिएको छ। जलपाईगुडीका विभिन्न माछा बजारहरूमा हिल्सा (इलिश) सधैं उच्च मागमा रहन्छ, तर हिल्सा मूल्य प्रतिकिलो १२ सयदेखि १४ सय रुपैयाँ पुगेको छ। कतिपय पसलले योभन्दा पनि बढीमा बिक्री गरिरहेका छन्।
अहिले बजारमा ठूला साइजको हिल्स प्रतिकिलो १३ देखि १४ सय रुपैयाँमा बिक्री भइरहेको छ। हिल्साको मूल्य भने केही बढेको बिक्रेता बताउँछन्। हाल देशका विभिन्न भागबाट जलपाईगुडी बजारमा हिल्सा आउने गरेको छ। तिनीहरूको बिक्रीको लागि धेरै माग छ।
तर भाउ महँगो भएकाले किन्नेहरु पन्छिन थालेका छन्। हिल्सा किन्न मन लागे पनि मूल्य निकै महँगो भएको क्रेता बताउँछन्।
