नक्सलबारी ब्लकअन्तर्गत त्रिहाना चिया बगान खुले पनि मजदुरको समस्या समाधान हुन सकेको छैन । त्रिपक्षीय सहमतिअनुसार वृक्षारोपण खोलिएको सोमबार बिहान सात बजे मजदुर आएका थिए तर काम गरेनन् । तर मंगलबार भने प्लान्टेशनका विभिन्न भागमा कामदारहरु काम गरिरहेका देखिएका छन् ।
तर अझै पनि आफ्नो बक्यौता रकम नपाएको मजदुरहरुको गुनासो छ ।चैत ११ गतेसम्म बक्यौता रकम नपाए ठूलो आन्दोलन गर्ने पनि मजदुरहरुले बताएका छन् ।लगभग चार महिनादेखि बन्द रहेको त्रिहाना चिया बगान खुलेको छ । बागडोग्राको त्रिहाना चिया बगान मालिकले बक्यौता तिर्न नसकेपछि १०८ दिनसम्म बन्द भएको थियो ।
मजदुरहरूले आन्दोलन जारी राखे पनि पछि तृणमूल कांग्रेस समर्थित युनियन र मालिक पक्षबीचको बैठकपछि समाधान निकालियो।कामदारको करिब ४४ लाख रुपैयाँ बक्यौता रहेको, मालिकले आगामी चैतमा तिर्नेछ । यही प्रतिबद्धतासँगै सोमबारदेखि चियाबारी खुला गरिएको छ । त्यसैले चैत ११ गतेसम्म बक्यौता रकम नपाए ठूलो आन्दोलन गर्ने पनि मजदुरहरुले बताएका छन् ।
