मुख्यमन्त्री ममता बनर्जीको आह्वानमा दार्जिलिङ जिल्ला तृणमूल कांग्रेसको नेतृत्वमा सिलगढीमा सम्पूर्ण राज्यसहित सर्वधर्म सद्भाव रैली निकालिएको थियो।
सर्वधर्म सद्भाव र्यालीमा सबै धर्मका मानिसहरुको सहभागिता रहेको थियो । धार्मिक एकतालाई ध्यानमा राख्दै तृणमूल कांग्रेसले आयोजना गरेको हो ।
आज बागायतीन पार्कबाट सुरु भएको सर्वधर्म सद्भाव र्याली हाश्मी चोक मस्जिद, सेवक मोड, गुरुद्वारा अगाडि हुँदै नगर परिक्रमा गरेको थियो । सर्वधर्म सद्भाव र्यालीमा सिलगढीका मेयर गौतम देव, जिल्ला अध्यक्ष पपिया घोष र विभिन्न धार्मिक समुदायका प्रतिनिधिहरू सहभागी थिए।
