पश्चिम बंगाल राज्य ग्रामीण जीविका मिशन अन्तर्गत क्रेता-विक्रेता बैठक आयोजित

सिलगढीमा क्रेता-विक्रेता भेटघाट आयोजना गरिएको थियो। यो बैठक राज्य सरकारको पञ्चायत र ग्रामीण विकास विभाग अन्तर्गत पश्चिम बङ्गाल राज्य ग्रामीण आजीविका मिशनले स्व-सहायता समूहका महिलाहरूले बनाएका विभिन्न उत्पादनहरूको उचित बजारीकरण गर्ने उद्देश्यले आयोजना गरेको हो।सिलगढीको मल्लगुडी इलाकामा रहेको एक होटलमा भएको उक्त बैठकमा राज्यका पञ्चायत तथा ग्रामीण विकास मन्त्री प्रदीप मजुमदार विशेष अतिथिका रूपमा उपस्थित थिए। उक्त भेलामा उत्तर बङ्गालका विभिन्न जिल्लाका करिब २६ स्वयम् समूहका महिलाहरु आ-आफ्ना हस्तकलाका उत्पादनहरु लिएर आएका थिए भने करिब ३६ वटा औद्योगिक उद्यमीहरुको पनि उपस्थिति रहेको थियो। मञ्चमा सिलगढी महाकुमा परिषद्का अध्यक्ष अरुण घोष, सिलगढी नगर निगमका उपमेयर रञ्जन सरकार, भारतीय उद्योग परिसंघका अध्यक्ष प्रदीप अग्रवाललगायत पनि थिए। यस दिन दुवै संस्थाले दार्जीलिङ र उत्तर दिनाजपुर जिल्लाका केही स्व-सहायता समूहका महिलाहरूसँग एक वर्षको सम्झौतामा हस्ताक्षर गरे। त्यसमध्ये दार्जिलिङको एउटा समूहलाई एउटा कम्पनीले १० लाख रुपैयाँ अग्रिम दिएको थियो। मन्त्रीले उक्त चेक उहाँलाई हस्तान्तरण गरे ।साथै, अन्य उद्यमशील महिला स्व-सहायता समूहहरूद्वारा निर्मित सामग्रीहरू अवलोकन गरियो र विभिन्न विषयहरूमा छलफल गरियो।