भारी वर्षाका कारण काल्चिनीको ठूलो क्षेत्र जलमग्न भएको छ। काल्चिनी स्टेशन लाइन, मोदी लाइन, शान्ति कोलोनी, गोदाम लाइन डुबानमा परेका छन्। स्थानीयको घरघरमा पानी पस्न थालेको छ। ढल निकासको कमजोरीका कारण काल्चिनीका विभिन्न क्षेत्र वर्षेनी पानीमा डुबेका छन्। ढल निकासको राम्रो व्यवस्था नहुँदा पानी परेसँगै घरमा पानी पसेको स्थानीयले बताएका छन्।
अविरल वर्षाका कारण काल्चिनीका धेरै क्षेत्रमा बाढीको अवस्था सिर्जना भएको छ। दिमा चिया बगानको नालाको कमजोर ढल निकास र आंशिक अवरोधका कारण काल्चिनी डुबानमा परेको हो। आक्रोशित भीडले काल्चिनी चौपाथी क्षेत्रमा सडक अवरुद्ध गरेको छ। प्रहरी घटनास्थल पुग्यो। घरघरमा पानी पसेको भन्दै स्थानीयवासीले समस्या समाधानको माग गरेका छन्।
