नयाँ पेन्सन योजना खारेज गर्न माग गर्दै नयाँ जलपाईगुडी रेलवे क्षेत्र कार्यालय अगाडि विरोध प्रदर्शन

रेल्वे मजदूर संघले फेरि नयाँ पेन्सन योजना रद्द गर्न माग गरेको छ। २००४ मा, केन्द्रको नयाँ पेन्सन योजना लागू गरियो। जसका कारण सरकारी कर्मचारी र सेवानिवृत्त कर्मचारी समस्यामा परेका छन्। यो नयाँ पेन्सन योजना तत्काल खारेज गर्न माग गर्दै नेशनल ज्वाइंट काउंसिल अफ एक्शन कमेटी देशभर आन्दोलनमा उत्रिएको छ ।यो मागमा धेरै संघसंस्था पनि लागेका छन्। हरेक महिनाको २१ तारीख विभिन्न कार्यक्रम गरी यो आन्दोलन गर्ने गरिन्छ। सोही एजेन्डा अन्तर्गत शुक्रबार रेलवे मजदूर युनियन नयाँ जलपाईगुडी शाखाले नयाँ जलपाईगुडी रेलवे क्षेत्र कार्यालय अगाडि विरोध प्रदर्शन गरेको थियो। संगठनका शाखा सचिव सौम्यदीप कर्माकरले उनीहरुको मागप्रति केन्द्रले सहानुभूति नदेखाए १९ सेप्टेम्बरमा भारत बन्दको बाटो अपनाउने बताए।