भारतमा कोरोनाबाट बच्न विभिन्न उपाय अपनाइएको छ। हालै पनि अपनाइरहेका छन् यी मध्ये एक गिलोयको (गुर्जो) सेवन हो गिलोयले रोग प्रतिरोधात्मक क्षमता बढाउने बताइन्छ । यसका साथै यो आयुर्वेदिक औषधि भएकाले यसको प्रयोगमा कुनै हानि नहुने पनि बताइएको छ । तर भखरै भारतमा नै गरिएको एक अनुसन्धान अध्ययनका अनुसार यो दोस्रो निष्कर्ष अर्थात् कुनै हानि छैन, सही होइन विज्ञहरुका अनुसार गिलोयको वैज्ञानिक नाम टिनोस्पोरा कर्डिफोलिया हो । यसबारे हैदरावादसहित देशका १३ शहरमा अनुसन्धान गरिएको छ ।
एसियन इन्स्टिच्युट अफ ग्यास्ट्रोएन्टेरोलजी, हैदरावादलगायत केही प्रमुख संस्थानहरूले संयुक्त रूपमा यो अध्ययन गरेका छन्। यसको निष्कर्ष विज्ञान जर्नल हेपाटोलोजी कम्युनिकेसनमा प्रकाशित भएको छ। यस अनुसन्धानमा संलग्न एक विज्ञले भने, ‘हामीले करिब ४३ बिरामीको अध्ययन गयौ। तीमध्ये आधाभन्दा अधिक महिला थिए उनले पहिलो पटक गिलोय लिन थालेपछि ४६ दिनमै यसको सेवनको साइड इफेक्ट उसमा देखिन थाल्यो । उनीहरुका अनुसार करिब ६७.४ प्रतिशत बिरामीमा लगातार गिलोयको सेवनले कलेजोमा क्षति पुगेको देखिएको छ । धेरै बिरामीहरूको अवस्था यति गम्भीर थियो कि उनीहरूको कलेजो फेल हुने नजिक पुग्यो । धेरै मानिसमा हेपाटाइटिस रोगको लक्षण पनि देखियो । तर, उनीहरूले यस विषयमा थप अध्ययन गर्नुपर्ने आवश्यकता औँल्याएका छन् ।
तर, उनीहरुले यसको साथमा गिलोयको सीमित प्रयोग र चिकित्सकको सल्लाहपछि मात्रै गर्ने सल्लाह दिन्छन् । विज्ञहरुका अनुसार गिलोय मात्र होइन, कोरोना संक्रमणको युगमा मानिसले थाहा नपाई अरु पनि धेरै औषधी प्रयोग गरेका छन् । उदाहरणको लागि आइवरमैक्टिन र जिंकसप्लिमेन्ट आदि उनका अनुसार यी सबै औषधिले शरीरमा कस्तो असर पारेको छ भन्ने विषयमा पनि अध्ययन भइरहेको छ । तर यो निश्चित छ कि औषधिहरू भिटामिन-सी, डी जस्तै भए पनि थाहा नपाई प्रयोग गर्नु धेरै खतरनाक हुन्छ औषधि प्राकृतिक होस् वा जडिबुटी भए पनि यसलाई पूर्ण रूपमा सुरक्षित मान्नु ठूलो भूलबुझाई भएको उनको भनाइ छ ।
