प्रधानमन्त्री नरेन्द्र मोदीले विश्व हिन्दी दिवसको अवसरमा यस भाषाको प्रसारको बारेमा कुरा गरे । उनले भने, हिन्दी भाषाले हाम्रो ज्ञान र संस्कृतिको प्रसारमा महत्त्वपूर्ण भूमिका खेलिरहेको छ । परराष्ट्र मन्त्रालयले आयोजना गरेको कार्यक्रममा प्रधानमन्त्री ओलीले सो कुरा बताएका हुन् ।यसैबीच युनेस्कोबाट भारतका लागि पनि खुशीको खबर आएको छ । विश्व सम्पदा केन्द्रले भारतका युनेस्को द्वारा चिन्हित सम्पदा स्थलहरूको विवरण आफ्नो वेबसाइटमा हिन्दीमा प्रकाशित गर्न सहमत भएको जनाएको छ । अर्कोतर्फ विश्व हिन्दी दिवसको अवसरमा कार्यक्रमको नेतृत्व परराष्ट्र राज्यमन्त्री मीनाक्षी लेखीले गरिन् ।
यसमा प्रधानमन्त्री मोदीसँगै विदेशमन्त्री एस जयशंकरले हिन्दीको महत्वबारे कुरा गरेका थिए । कार्यक्रममा मोदीले भने, हिन्दी भाषाले आफ्नो सरलताका कारण हाम्रो ज्ञान र संस्कृति फैलाउन महत्वपूर्ण भूमिका खेलिरहेको छ । उनले सूचना प्रविधिको क्षेत्रमा हिन्दी भाषाको अधिकतम प्रयोग र युवाहरूमाझ लोकप्रियताका कारण आगामी दिनमा यस भाषाको भविष्य निकै उज्यालो देखिने बताए । सोही कार्यक्रममा विदेशमन्त्री एस जयशंकरले भने, हामी लगातार हिन्दीलाई विश्वव्यापी मञ्चमा लैजाने लक्ष्यतर्फ अघि बढिरहेका छौं । यता परराष्ट्र राज्यमन्त्री मीनाक्षी लेखीले विदेशमा हिन्दी भाषाको अध्ययन प्रोत्साहनका लागि चालिएको कदमबारे बताइन् ।
भारतको भाषा, संस्कृति र शिक्षाको प्रोत्साहनका लागि सरकारले विदेशी विश्वविद्यालयमा ५० वटा पद स्थापना गरेको उनले बताए। जसमध्ये हिन्दी प्रचार प्रसारका लागि १३ वटा पद बनाइएको छ। एक सय देशका ६७० शैक्षिक संस्थामा हिन्दी भाषा पढाइने लेखीले बताए । उनले प्रधानमन्त्री नरेन्द्र मोदीको नेतृत्व र विदेश मन्त्रालयको निर्देशनमा विश्व स्तरमा हिन्दीको विकास हुने विश्वास व्यक्त गरे । उनले हिन्दीमा राम्रो काम गरेकोमा बरेली, चंडीगढ़ र बेंगलोरका पासपोर्ट कार्यालयहरूको पनि प्रशंसा गरे ।
