कोरोना संक्रमण भएर अस्पतालमा उपचाररत् भारतीय गायिका लता मंगेशकरको स्वास्थ्यमा सुधार भइरहेको छ। आईसीयूमा उपचाररत मंगेशकरको स्वास्थ्यमा केही सुधार आएको चिकित्सकहरुले बताएका छन्।
मंगेश्करलाई चिकित्सकहरुले उच्च निगरानीमा राख्नुका साधै परिवारसँग समेत भेट्न दिइएका छैनन्। अझै १० देखि १२ दिन उनलाई आईसियूमै राखिने अस्पतालले जनाएको छ।
कोरोनाको सामान्य लक्षण देखिए पनि उमेरका कारण उनलाई मुम्बईको क्याण्डी अस्पतालमा आईसियूमा उपचार भर्ना गरिएको थियो। यसअघि सन् २०१९ मा श्वासप्रश्वासमा समस्या आउँदा लतालाई अस्पताल भर्ना गरिएको थियो।
