रक्षामन्त्री राजनाथ सिंहले हालै पाकिस्तानले आतंकवाद र अन्य भारत विरोधी गतिविधिलाई बढावा दिएर भारतको शान्तिलाई भंग गर्न खोजेको बताएका छन् । भारतीय सेनाले सन् १९७१ मा तिनीहरूको योजना विफल पारेको थियो र आतंकवादलाई जराबाट हटाउने काम भइरहेको छ । हामीले प्रत्यक्ष युद्धमा जितेका छौं र अप्रत्यक्ष युद्धमा पनि जित हाम्रै हुनेछ, उनले नयाँ दिल्लीको इण्डिया गेटमा आयोजित भारत-पाक १९७१ युद्ध मा सशस्त्र सेनाको वीरता र व्यावसायिकता र बंगलादेश स्वतन्त्रतामा उनीहरूको योगदानको स्मरण गर्ने कार्यक्रम स्वर्णिम विजय पर्वको उद्घाटन गरेपछि उनले भनेका छन् । उनले बताएका छन्, यो युद्धले धर्मको आधारमा भारतको विभाजन ऐतिहासिक गल्ती थियो भनी बताउँछ। पाकिस्तान एउटै धर्मको नाममा जन्मियो तर एउटै रहन सकेन । १९७१ को पराजयपछि पनि पाकिस्तान लगातार एक युद्ध लडिरहेको छ। २० औं शताब्दीमा लडिएको दुई विश्व युद्धपछि सन् १९७१ को युद्ध सबैभन्दा ठूलो निर्णायक युद्ध भएको छ पाकिस्तानलाई कडा प्रहार गर्दै रक्षामन्त्रीले भने, पाकिस्तानमा भारत विरोधी भावना देख्न सकिन्छ ।
उनीहरूले आफ्नो क्षेप्यास्त्र भारतमा आक्रमण गर्ने आक्रमणकारीहरूको नाममा राख्छन् – घोरी, गजनवी, अब्दाली, जबकि भारतका – क्षेप्यास्त्रको नाम आकाश, पृथ्वी, अग्नि राखिएको छ । हाम्रो एउटा क्षेप्यास्त्र नाम पनि सन्त राखिएको छ।रक्षामन्त्रीले योजना, प्रशिक्षण र मिलेर लड्नुको महत्वलाई जोड दिँदै र १९७१ को युद्धलाई तीनवटा सेनाबीचको एकता र सन्एकीकरणको ज्वलन्त उदाहरणका रूपमा वर्णन गरेका छन्। उनले १९७१ को युद्ध विजयलाई मानवताको भावना र सारा पृथ्वीलाई आफ्नो परिवार मान्ने र सधैँ सत्य र न्यायको पक्षमा उभिने देशमा बसोबास गर्ने भारतीयहरूको विश्वव्यापी भ्रातृत्वको प्रतीक भएको पनि बताएका छन् ।
उनले सन् १९७१ को जनयुद्धमा अमानवीयतामाथि मानवताको विजय, दुराचारमाथि सदाचार र अन्यायमाथि न्यायको विजय भएको बताएका छन् । उनले मार्टिन लुथर किंग जुनियरको प्रसिद्ध न्यूयोर्क भाषणको कथन उद्धृत गरेका छन्, कहीँ पनि अन्याय सबै ठाउँमा न्यायको लागि खतरा हो । राजनाथ सिंहले तत्कालीन पूर्वी पाकिस्तानका जनतामाथि हुने अत्याचार सम्पूर्ण मानवताका लागि खतरा भएको र उनीहरूलाई अन्याय र शोषणबाट मुक्त गराउने जिम्मेवारी भारतको रहेको बताएका छन् । राजनाथ सिंहले बंगलादेशमा प्रजातन्त्र स्थापनामा भारतको योगदानको स्मरण गर्दै पछिल्लो ५० वर्षमा विकासको बाटोमा द्रुत गतिमा अघि बढेको तथ्यको प्रशंसा गरेका छन् ।
राजनाथ सिंहले रामायण, महाभारतको युगदेखि १८५७, १९४७, १९६५, १९७१ र १९९९ को कारगिल युद्धसम्म बर्बरता, अमानवीयता र गैरजिम्मेवार शक्तिहरू विरुद्ध युद्ध लड्ने भारतको इतिहास रहेको बताएका छन् । सन् १९४८ मा ब्रिगेडियर उस्मानद्वारा झाङ्गरको पुनः कब्जा र १९६१ मा गोवा, दमन र दीवको मुक्तिदेखि लिएर सन् १९९९ मा मनाइने कारगिल युद्धको गौरवशाली विजयसम्म भारतको इतिहासमा अधिकांश सैन्य कारबाहीलाई अपरेशन विजय नाम दिएको उनले स्मरण गरेका छन् ।
