कुच बिहार (न्यूज एशिया): कुचबिहार जिल्लाको बक्सिरहाट बजार मारवाडी पट्टी क्षेत्रको तुफानगञ्ज ब्लक २ भानुकुमारी पट्टी क्षेत्रमा गएराति भीषण आगलागी हुँदा ७ पसल जलेर नष्ट भएका छन् ।
खबर पाएलगत्तै तुफानगञ्ज र बक्षीरहाट दमकलका तीनवटा इन्जिन घटनास्थलमा पुगेका थिए । करिब तीन घण्टाको लामो प्रयासपछि आगो नियन्त्रणमा आएको थियो तर आगो नियन्त्रणमा आउँदा सातवटै पसल जलेर नष्ट भएको थियो।
प्रारम्भिक रुपमा विद्युत सट भएर आगलागी भएको हुन सक्ने अनुमान गरिएको छ ।
