सिलगढी : सिलगढी महानगरीय प्रहरी अन्तर्गत भक्तिनगर पुलिस थानाले लुटपाट गर्ने उद्देश्यले भेला हुने ६ जना लुटेरालाई पक्राउ गरेको छ। पक्राउ पर्नेमा मुन्ना सरकार, सञ्जु दास, राहित क्षेत्री, पपई बर्मन, विश्वदीप रोय र विष्णु राई।
बिहीबार राति भक्तिनगर प्रहरी चौकीको मिलिट्री ग्राउन्ड अगाडि १० देखि १२ जना लुटेरा लुटपाटको नियतले जम्मा भएको प्रहरीलाई गोप्य स्रोतबाट सूचना प्राप्त भएको थियो। सो सूचनाका आधारमा प्रहरीले उक्त क्षेत्रमा छापा मारेको थियो।
प्रहरीको उपस्थिति थाहा पाएपछि धेरैजना भाग्न सफल भए पनि ६ जना लुटेरालाई प्रहरीले नियन्त्रणमा लिएको छ। पक्राउ परेकाहरूबाट लुटपाटका लागि ल्याइएका धेरै हतियार बरामद गरिएको छ। प्रहरीले पक्राउ परेकालाई शुक्रबार जलपाईगुडी अदालतमा पठाएर सम्पूर्ण घटनाको अनुसन्धान सुरु गरेको छ।
