१४औँ अक्षय कुमार अन्तर्राष्ट्रिय कुडो प्रतियोगितामा दार्जिलिङ र जलपाईगुडीका ११ खेलाडी सहभागी हुनेछन् ।गुजरातमा २४ देखि २६ अक्टोबरसम्म हुने १४औँ अन्तर्राष्ट्रिय कुडो प्रतियोगितामा दार्जीलिङ र जलपाईगुडी जिल्लाका ११ खेलाडीले भाग लिनेछन् । यस प्रतियोगितामा पश्चिम बंगालका कूल ४० खेलाडी सहभागी हुनेछन् । जसमा दार्जिलिङ र जलपाईगुडीका ११ खेलाडी सामेल छन्। प्रतियोगितामा सहभागी हुन उनीहरु सबै शनिबार गुजरात प्रस्थान गर्ने बङ्गाल टोलीका प्रशिक्षक सहदेव बर्मनले जानकारी दिए ।
मिक्स्ड मार्सल आर्ट मध्ये एक कुडो पनि रहेको उनले बताए । उनीहरुका सबै खेलाडी यस प्रतियोगिताको लागि तयार छन् । खेलमा देवांगना भौमिक, अजिता दत्त, तबस्मि दत्त, राजदीप घोष, उज्ज्वल नाथ, सुरजित सरकार, युस वैश्य, गायती दास, नमिता बर्मन, रुपन्त बर्मन, कौशिक गराईको सहभागिता रहेको उनले बताए ।
