शनिबार बिहान जँगली भैंसीको आक्रमणबाट एक जनाको मृत्यु भएको छ। जबकि ७ घाइते मध्ये ३ जनाको कुचबिहार मेडिकल कलेजमा उपचार भइरहेको छ। घटना कुचबिहार ब्लक १ को हाडीभंगा क्षेत्रमा भएको हो। स्थानीय स्रोतका अनुसार बिहान ६ बजेतिर २ वटा जँगली भैंसीलाई स्थानीयवासीले मकै खाइरहेको देखेका थिए। यस घटनाको खबर एकै छिनमा इलाकाभरि फैलियो।
थाहा पाइए अनुसार,शनिबार बिहान वीरेन बर्मन नामक ब्यक्ति घरनजिकैको बाँसको झ्याङ अगाडि उभिरहेका थिए, अकस्मात पछाडीबाट जँगली भैंसिले आक्रमण गर्यो। आफन्तहरुले तत्काल उनलाई कुचबिहार अस्पताल पुर्याएतापनि डाक्टरहरूले उनलाई मृत घोषित गरे।
ती दुई जँगली भैंसी कताबाट गाउँभित्र छिरे भन्ने अहिलेसम्म थाहा हुनसकेको छैन। पुलिस तथा वन विभागका अधिकारीहरु घटनास्थल पुगेतापनि अहिले सम्पूर्ण गाउँलेहरु आतंकित अवस्थामा छन।
