सिलगढी सहरमा व्यापारीहरूले फुटपाथ र सडकहरू अतिक्रमण गरेका छन्। कतै फुटपाथ पसलहरूले कब्जा गरेका छन् त कतै सडक अतिक्रमण गरेर होटल सञ्चालन गरिरहेका छन् । यो समस्या सहरका मुख्य सडक, हिलकार्ट रोड, विधान रोड र सेवक रोडमा छ, पसल र होटल पनि सडकमै चलिरहेका छन् । यस्तो अवस्थामा सहरका सडक र फुटपाथलाई कब्जियतमुक्त बनाउन महानगरपालिकालाई ठूलो चुनौती छ । फुटपाथ र सडकहरु कैयौँ अभियानमा अतिक्रमणमुक्त भए पनि पुनः कब्जामा लिइएको छ । सेवकरोडमा हाइड्रेन्ट कब्जा गरेर पसल तथा होटल स्थापना गरिएको छ ।
उपमेयर रञ्जन सरकारले बुधबार सेवक रोडको निरीक्षण गरेका छन् । उनले सडक, फुटपाथ ओगटेका पसल, होटल हटाउनुपर्ने बताए । कतै सडकमा खाना पकाउने काम भइरहेको छ भने कतै ग्यारेजका सामाग्री सडकमै बिछ्याएर काम भइरहेको छ । यसप्रति उपमेयरले असन्तुष्टि जनाएका छन् । सेवक रोडमा सुलभ शौचालय निर्माण भइरहेको उनले बताए । यससँगै सहरका फुटपाथ र सडकका अतिक्रमण हटाउने काम भइरहेको छ । यिनै कारणले धेरै योजनाले काम गर्न सक्दैन ।
