उत्तर बंगाल विश्वविद्यालयको बायोटेक्नोलजी विभागले उत्तर बंगालका महिलाहरूलाई आत्मनिर्भर बनाउन विशेष पहल गरेको छ। शुक्रबार, सिलगढी सहित उत्तर बंगालका विभिन्न भागका महिलाहरूलाई सेतो फूलहरू रंगीन बनाउन प्रशिक्षण दिइएको थियो। आजको कार्यशालामा सेतो गुलाफ, ट्युरोज, क्रिस्यान्थेमम लगायतका विभिन्न प्रकारका सेतो फूलमा कृत्रिम रंग लगाउने तालिम दिइएको बताइएको छ ।यो शिविरमा उत्तर बङ्गालका विभिन्न जिल्लाबाट मानिसहरु आएका थिए ।
शिविरमा उत्तर बङ्गाल विश्वविद्यालयको बायोटेक्नोलोजी विभागका प्रमुख डा. रणधीर चौधरी र विभागका अन्य प्राध्यापक तथा अधिकारीहरू पनि उपस्थित थिए । यस तालिमबाट विभिन्न प्रकारका सेतो वा हल्का रङ्गका फूललाई कृत्रिम रूपमा रंगाएर बजारमा बिक्री गरेर महिलाहरू सजिलै आत्मनिर्भर बन्न सक्ने उत्तर बङ्गाल विश्वविद्यालयको आशा छ ।
