चीफ अफ डिफेन्स स्टाफ जनरल विपिन रावतले यस लक्ष्यका विषयमा संसद्को स्थायी समितिलाई जानकारी दिएका छन् ।
त्यस कटौतीबाट बच्ने रकमको उपयोग प्रविधिलाई बढाउनका लागि गरिने रावतको भनाइ छ । सरकारले पनि सेनालाई यस रकमको उपयोग प्रविधिको क्षेत्रमा गरिने बताएको छ ।
भारतीय सेनामा संरचनागत परिवर्तनको प्रक्रिया चलिरहेको छ । दिल्लीस्थित जंगी अड्डाबाट अधिकारीहरू घटाएर फील्डमा पठाउने योजना छ ।
स्ट्यान्डिङ कमिटीलाई सेनाको टूथ टु टेल रेसियोका बारेमा पनि बताइएको छ । सैन्य कारवाहीमा भाग लिने तथा उनीहरूका लागि रसदपानी पुर्याउने सैनिकहरूबीचको अनुपातलाई टूथ टु टेल रेसियो भनिन्छ ।
सेनाको कारवाहीमा भाग लिने सैनिकहरूलाई टूथ र रसदपानी पुर्याउने सैनिकहरूलाई टेल भनिन्छ । टूथ धेर चाहिएमा टेलको संख्या घटाउनुपर्ने हुन्छ । यस अनुपातलाई घटाउनका लागि लगभग एक लाख सैनिक कम गर्नुपर्ने लक्ष्य लिइएको छ । अहिले भारतीय सेनामा लगभग १४ लाख सैनिक छन् ।
प्रविधिमा बढी जोड दिनुपर्ने सीडीएस रावतको भनाइ छ । आफूहरूले पैदल सैनिकमा फोकस गरिरहेको र उनीहरूले सीमामा निगरानी गर्ने गरेको उनले बताए । उनीहरूलाई आधुनिक राइफल दिने काम प्राथमिकतामा रहेको उनले बताए । उनीहरूलाई बढी सक्षम बनाउनका लागि धेरै प्रविधि दिन चाहेको रावतको भनाइ छ ।
