नेपाली सेनाले घोडेटो निर्माण सुरू गरेलगत्तै ठीक पारिपट्टि भारतले सडक चौडा पार्न थाल्यो । उसले विस्फोट गराउँदा खसेको चट्टानले महाकाली नदीको सतह माथि आउँदा नेपाली सेनाले बनाएको ४५ मिटर बाटो बगाएको छ ।
दार्चुला — भारतले नेपाली भूमि लिपुलेक जोड्ने सडक विस्फोटक पदार्थले चट्टान फुटाउँदै विस्तार गर्न थालेपछि व्यास गाउँपालिका–१ जोड्ने घोडेटो निर्माणमा अवरोध पुगेको छ । नेपाली सेनाले जेठ दोस्रो सातादेखि घोडेटो बनाइरहेको छ । भारतले आफ्नोतिर ठूला चट्टान फुटालेर महाकालीमा खसाल्दा नदीको बहाव नेपालतर्फ फर्केपछि बन्दै गरेको घोडेटो कटानमा परिरहेको छ ।
